XX ს-ის დამდეგის მოდერნის სტილის თბილისის შენობათა შორის ერთ-ერთი გამორჩეული ნიმუშია კინოთეატრი "აპოლო", რომელიც აღმაშენებლის გამზირის შუა წელში მდებარეობს. შენობის არქიტექტორი უცნობია, მაგრამ ცნობილია რომ ის გერმანელ კოლონისტთა მდიდარ წარმომადგენელს ეკუთვნოდა, ხოლო მისი არქიტექტურული მორთულობა "არქიტექტურული ძერწვის" ოსტატებს, ნოვაკსა და სოუჩეკს შეუსრულებიათ. 1909 წელს აშენებული კინოთეატრი პირველი იყო თბილისში. ქუჩათა გადაკვეთაზე ნაგებობა სფერული გუმბათით გადახურული ცილინრული ნაწილით გამოდის. ფასადის მხატვრულ სახეს დიდად განაპირობებს ჩეხი ოსტატების მიერ შესრულებული სიმბოლური ფიგურილი რელიეფებისაგან, გირლიანდებისა და წნულებისაგან შემდგარი მხატვრული კომპოზიცია.