ყოფილი რკინიგზელთა სახლი, ამჟამად საქართველოს ეროვნული მუსიკალური ცენტრის შენობა, დავით აღმაშენებლის პროსპექტის შუა წელში მდებარეობს, ნაგებობის ავტორია თბილისელი არქიტექტორი გაბრიელ ტერ-მიქელოვი. აგებულია 1950 წელს. ნაგებობის არქიტექტურაში გამოყენებულია გვიანი რენესანსის კლასიკური მოტივები - თაღები და ბალუსტრადა. შენობა საინტერესოდ არის ჩაწეული პროსპექტის ძირითადი განაშენიანების ხაზიდან და მის წინ არსებულ მცირე მოედანზე ცნობილი ქართველი მუსიკოსის, ჯანო ბაგრატიონის ბიუსტი დგას. საქართველოს ეროვნული მუსიკალური ცენტრი ქალაქის კულტურული ღონისძიებების ჩატარების ერთერთი მნიშვნელოვანი ადგილია. 
ნაგებობის გვერდით მხარეს მდებარეობს ყოფილ "გოფილექტი"-ს ბაღში შესასვლელი, ეს ბაღი XX-ე საუკუნეში თბილისელთა საყვარელი დასასვენებელი ადგილი იყო, რომელშიც ზაფხულის სეზონზე ღია ცის ქვეშ კონცერტები იმართებოდა. 
მუსიკალური ცენტრის მიმდებარეა საქართველოს სახელმწიფო ქორეგრაფიული ანსამბლის `სუხიშვილების~ სამხატვრო სტუდიის სივრცე, ხოლო მის მეზობლად ყოფილი "ფილარმონიის" შენობაში ჯანო კახიძის სახელობის მუსიკალური ცენტრია განთავსებული.