04:07     22/09/2014   Tbilisi.gov.ge
   
სიახლეების გამოწერა
სიახლეების გამოსაწერად მიუთითეთ თქვენი ელ-ფოსტა.

 
 

ფესტივალი რუსთაველის თეატრის დიდ სცენაზე სპექტაკლით - „მოხეტიალეთა სიმღერები“ გაიხსნა. „მოხეტიალეთა სიმღერები” მომლოცველთა მოგზაურობას აღწერს, რომელიც, ანსამბლ „რუსთავის“ ცოცხალი შესრულებით, ქართული ხალხური სიმღერის ფონზე მიმდინარეობს. 
ფესტივალის გახსნას თბილისის მერი დავით ნარმანია და საქართველოს პრეზიდენტი გიორგი მარგველაშვილი მეუღლეებთან ერთად დაესწრნენ. 
თბილისის საერთაშორისო თეატრალური ფესტივალი თბილისის მერიის მიერ დაფუძნდა და წელს იგი მეექვსედ ტარდება. მნიშვნელოვანი სიახლეა ის, რომ წელს ფესტივალის პროგრამას შავი ზღვისა და კავკასიის თეატრალური დასები დაემატა. 
ფესტივალი 52 სპექტაკლითა და 54 საერთაშორისო სტუმრით სამი კვირის მანძილზე სიამოვნებას მიანიჭებს თბილისელებს და დედაქალაქის სტუმრებს.

სიახლე
21 სექტემბერი 2014  
 
 

შპს „თბილსერვის ჯგუფის“ ორგანიზებით ბაგებში, სტუდქალაქის ტერიტორიაზე დასუფთავების აქცია მოეწყო. აქციაში “თბილსერვის ჯგუფის” თანამშრომლებთან და ვაკის რაიონის დასუფთავების სამსახურის ჯგუფთან ერთად, თბილისის მერის მოადგილე, გიორგი სოლომონია მონაწილეობდა.
მერის მოადგილის განცხადებით, ტერიტორია სისტემატიურად სუფთავდება, თუმცა მოსახლეობის დაუდევრობის გამო სისუფთავის შენარჩუნება ვერ ხერხდება. გიორგი სოლომონია მოსახლეობას მოუწოდებს, თავი შეიკავონ ტერიტორიის დანაგვიანებისგან.
დასუფთავების აქციის ფარგლებში, ნაგვისაგან მთლიანად გაიწმინდა სტუდქალაქის ტერიტორია. ადგილზე რამდენიმე ტრაქტორი და თვითმცლელი მუშაობდა. 

სიახლე
20 სექტემბერი 2014  
 
 

„სპორტის სასახლესთან“ მიროტაძის ქუჩაზე 1 200 კვ.მ ფართობზე განთავსებული, ორ სართულიანი, კეთილმოწყობილი აგრარული ბაზარი გაიხსნა. ახალ სავაჭრო ობიექტში მაღალი ხარისხის სოფლის მეურნეობის პროდუქციაა წარმოდგენილი, რომელიც ყოველდღიურად თანამედროვე სტანდარტების შესაბამის ლაბორატორიაში მოწმდება. ახალ ბაზარში 100-მდე ადამიანია დასაქებული.
ბაზრის გახსნას დღეს თბილისის ვიცე-მერი ალექსანდრე მარგიშვილი, საბურთალოს რაიონის გამგებელი ბექა მიქაუტაძე და საქართველოს პარლამენტის აგრარულ  საკითხთა კომიტეტის თავმჯდომარე გიგლა აგულაშვილი დაესწრნენ და ობიექტში დასაქმებულ ადამიანებს გაესაუბრნენ.
თბილისის ვიცე-მერის განცხადებით თბილისი ეტაპობრივად უნდა გადავიდეს ვაჭრობის თანამედროვე მოდელზე და პროდუქციის შეძენა ადგილობრივი მოსახლეობისთვის მაქსიმალურად კომფორტული და მოვაჭრეებისთვის მომგებიანი უნდა გახდეს. 

სიახლე
20 სექტემბერი 2014  
 
 

თბილისის მერმა დავით ნარმანიამ, ჭავჭავაძის გამზირზე, კომპიუტერული და გონივრული ტექნოლოგიების განახლებული მაღაზია „ალტას“ შოურუმი გახსნა.  
„21-ე საუჯკუნე ინფორმაციული ტექნოლოგიების საუკუნეა. თანამედროვე ტექნიკა იმაზე სწრაფად ვითარდება ვიდრე წარმოგვიდგენია. დარწმუნებული ვარ, ეს კომპანიაც ისევე წარმატებული იქნება, როგორც ბაზარზე წარმოდგენილი სხვა კომპანიები. ამ წარმატების შედეგი კი კომპანიაში დასაქმებული ადამიანების კეთილდღეობაზე, საბიუჯეტო შემოსავლებსა და საინვესტიციო გარემოზე აისახება“ - განაცხადა დავით ნარმანიამ. 
თბილისის მერის თქმით, „ალტასთან“ მრავალწლიანი ურთიერთობის მანძილზე,  ყოველთვის კმაყოფილი იყო მომსახურებით და იმ მიდგომით, რაც კომპანიას გააჩნდა. მისივე თქმით, ალბათ სწორედ ეს გახდა კომპანიის ნაბიჯ-ნაბიჯ განვითარების  საფუძველი.

 

სიახლე
19 სექტემბერი 2014  
 
 

თბილისის მერმა დავით ნარმანიამ თბილისის ცენტრში, 100 მილიონიანი ებრაული ინვესტიციით მშენებარე ხუთვარსკვლავიანი სასტუმრო "რიქსოსი" და სასტუმროსთან მშენებარე სამუზეუმო ფართი დაათვალიერა.
ქართულ ებრაული 26-საუკუნოვანი მეგობრობის საიუბილეო ღონისძიებათა ფარგლებში, საქართველო-ისრაელის ბიზნეს პალატის პრეზიდენტმა იციკ მოშემ თბილისის მერს ებრაული ინვესტიციით დაგეგმილი რამდენიმე მნიშვნელოვანი ობიექტის მშენებლობის  შესახებ აუწყა. მისივე თქმით, მიმდინარე წლის 20 ოქტომბრისთვის, ბიზნეს პალატის ორგანიზებით, თბილისში დაგეგმილა ბიზნესფორუმი და საქველმოქმედო ვახშამი.
დავით ნარმანიას თქმით, თბილისის მთავრობა მზად არის  განიხილოს პროექტები და გასცეს მშენებლობის ნებართვები. მისივე თქმით, ჯამში საუბარია 300 მილიონამდე ინვესტიციაზე, რომლის ნაწილი უკვე განხორციელდა, ნაწილი კი მომდევნო წლებში განხორციელდება. როგორც დავით ნარმანიამ აღნიშნა, ოქტომბერში  დაგეგმილ ბიზნესფორუმზე, რომელშიც ებრაული კომპანიები მიიღემენ მონაწილეობას, დედაქალაქის მთავრობა საინტერესო პროექტებს წარადგენს.
იციკ მოშემ დავით ნარმანიას თბილისის მერად არჩევასთან დაკავშირებით იერუსალიმის მერის მილოცვა და ქართულ-ებრაულ ბიზნეს ფორუმზე მიწვევა გადასცა. ბიზნესფორუმი 2015 წლის იანვარში, იერუსალიმში გაიმართება.
დავით ნარმანიასთან ერთად მშენებარე ობიექტი ქართულ-ებრაული 26-საუკუნოვანი მეგობრობის საიუბილეო კომისიის თანათავმჯდომარე ჯამლეტ ხუხაშვილმა დაათვალიერა.

 

სიახლე
19 სექტემბერი 2014  
 
 

თბილისის მერიაში დღეს მოქალაქეთა მორიგი მიღება გაიმართა. თბილისის მერს, მერის მოადგილეებს, საქალაქო სამსახურის უფროსებსა და რაიონის გამგებლებს სხვადასხვა თემასთან დაკავშირებით 620 თბილისელი შეხვდა. თბილისის მერის დავით ნარმანიას ინიციატივით, მოქალაქეთა მიღება ყოველ ორშაბათს 14-დან 18 საათამდე მიმდინარეობს. მიღების წესის თანახმად, თბილისელებს შესაძლებლობა აქვთ, დედაქალაქის მთავრობის წევრებს შეხვდნენ და მათთვის მნიშვნელოვანი პრობლემატური საკითხები პირადად გააცნონ. 

სიახლე
15 სექტემბერი 2014  
 
 

თბილისის მერმა, დავით ნარმანიამ კომპანია outdoor.ge-ს წარმომადგენლები მონოპოლიაში დაადანაშაულა. როგორც კომპანიის წარმომადგენლებთან დღეს მერიაში გამართულ შეხვედრაზე დავით ნარმანიამ განაცხადა, კომპანიას დღეს სრული ბაზარი უჭირავს, რაც ნარმანიას თქმით, კონკურენციის პირობებს არღვევს.
„თამაშის წესებს განსაზღვრავთ თქვენ, იმ გვერდნახევრიანი აქტის საფუძველზე, რომელიც თქვენსა და მერიას შორის იყო გაფორმებული. იცოდით, რომ თქვენ ამ აქტით 100%-იანი ბაზრის მფლობელები ხდებოდით და ამას დათანხმდით“, _ განაცხადა დავით ნარმანიამ.
თბილისის მერის თქმით, აღნიშნული აქტი თბილისის მერიას  მუნიციპალური პოლიტიკის გატარებაში უშლის ხელს. დავით ნარმანია, მთავრობის წევრებთან ერთად, outdoor.ge-ს წარმომადგენლებს დღეს შეხვდა. შეხვედრა კითხვა-პასუხის რეჟიმში წარიმართა. 

სიახლე
19 სექტემბერი 2014  
 
 

თბილისის მერი დავით ნარმანია საქართველოში ესტონეთის საგანგებო და სრულუფლებიან ელჩს პრიიტ ტურკს შეხვდა. ელჩმა დავით ნარმანიას მერად არჩევა მიულოცა და ორ ქვეყანას შორის სხვადასხვა პროექტების განხორციელების იმედი გამოთქვა, მათ შორის ტურიზმის , საგანმანათლებლო და მუნიციპალური სერვისების სფეროში. დავით ნარმანიას თქმით, ევროკავშირთან ასოცირების ხელშეკრულების ხელმოწერის შემდეგ ესტონეთის მიმართ ინტერესი უფრო მეტად გაიზარდა. „ესტონეთი კარგი მაგალითია იმისა, თუ რა გზით უნდა იაროს საქართველომ. დარწმუნებული ვარ, ბევრი ურთიერთსასარგებლო საქმის გაკეთებას შევძლებთ, განსაკუთრებით დედაქალაქებს შორის მუნიციპალური სერვისების მენეჯმენტის და სტანდარტების შემუშავების კუთხით“ განაცხადა დავით ნარმანიამ. მისივე თქმით, მნიშვნელოვანია მუნიციპალიტეტებში ელექტრონული სერვისების განვითარება, ასევე გარემოს დაცვით საკითხებზე მუშაობა, გამომდინარე იქიდან, რომ თბილისის მერის წინსაარჩევნო პროგრამის შემადგენელი ნაწილი დედაქალაქის მწვანე ქალაქად და მტკვრის რეკრეაციულ ზონად გადაქცევაა, რაც უფრო მეტ ტურისტს მოიზიდავს როგორც ესტონეთიდან, ისე მსოფლიოს სხვა ქვეყნებიდან.

დავით ნარმანიამ ესტონეთის დედაქალაქის მერი ოქტომბრის ბოლოს, „თბილისობის დღესასწაულზე“ მოიწვია. 

 

სიახლე
12 სექტემბერი 2014  
 
 

თბილისის მერმა, დავით ნარმანიამ სარეკლამო კომპანია outdoor.ge-ს წარმომადგენლებს 12-პუნქტიანი დავალებები მისცა. მან კომპანიას მოსთხოვა, წარმოადგინონ 2009-2013 წლებისა და 20014 წლის 8 თვის დეტალური ფინანსური მონაცემები. outdoor.ge-მ პირველ ოქტომბრამდე მერიას უნდა წარუდგინოს, ასევე, ინფორმაცია ჩატარებული აუდიტის დასკვნების შესახებ. თბილისის მერმა კომპანიის წარმომადგენლებს დაავალა, წარმოადგინონ ინფორმაცია სოციალურ რეკლამაზე და სოციალურ პროექტებში მონაწილეობის შესახებ, აგრეთვე, სარეკლამო ადგილების შერჩევის კრიტერიუმებთან დაკავშირებული ინფორმაცია და წლების მიხედვით, დოკუმენტურად დადასტურებული ინფორმაცია ინვესტიციის მოცულობის შესახებ.
კომპანიამ მერიას, ასევე, უნდა წარუდგინოს ინფორმაცია მერიის კუთვნილ ფართებზე განთავსებული რეკლამების თაობაზე და საკუთარი ხედვა ქირის გადახდასთან დაკავშირებით. outdoor.ge თბილისის მერს მის მფლობელობაში არსებული კონსტრუქციების წარმომავლობის შესახებ ინფორმაციასაც წერილობით მიაწვდის, ასევე, წლების მიხედვით გაწერილ დოკუმენტს ქონების შეძენის შესახებ.
გარდა ამისა, outdoor.ge-მ მერიას უნდა წარუდგინოს კომპანიის 70%-ის მფლობელის ვინაობა და კომპანიის აქტივების შესახებ ინფორმაცია. თბილისის მერის განცხადებით, თვითმმართველობის კოდექსით,  გარე რეკლამის რეგულირება მუნიციპალიტეტის კომპეტენცია გახდა და outdoor.ge-ს წარმომადგენლებს მოსთხოვა, წარმოადგინონ თავიანთი ხედვები ამ მიმართულებით.
1 ოქტომბრამდე outdoor.ge-მ მერიას, აგრეთვე, უნდა მიაწოდოს ინფორმაცია სხვა კომპანიებთან ურთიერთობის სამართლებრივი მხარის თაობაზე. სარეკლამო კომპანია მერიას გააცნობს არსებული მდგომარეობის გაუმჯობესების შესახებ საკუთარ ხედვას და სამომავლო განვითარების გეგმებს 2021 წლამდე.
დავით ნარმანია, მთავრობის წევრებთან ერთად, outdoor.ge-ს წარმომადგენლებს დღეს შეხვდა. შეხვედრა კითხვა-პასუხის რეჟიმში წარიმართა. 

სიახლე
19 სექტემბერი 2014  
 
 

თბილისის მერი დავით ნარმანია ალექსეევკის საავიაციო ბაზაზე  გამართულ ავიაშოუს დაესწრო. ავიაშოუზე, რომლითაც ქართველი ავიაკონსტრუქტორის, ალექსანდრე ქართველიშვილისადმი მიძღვნილი კვირეული გაიხსნა, საქართველოს შეიარაღებული ძალების ავიაციისა და საჰაერო თავდაცვის სარდლობის სამხედრო პილოტებმა უმაღლესი პილოტირების მანევრები შეასრულეს.
თბილისის მერმა, დავით ნარმანიამ იმედი გამოთქვა, რომ დღევანდელი „ძალიან საინტერესო და სანახაოებრივი ავიაშოუს შემდეგ, მფრინავის პროფესიისადმი უფრო მეტი ინტერესი გაჩნდება და დაფასდება ის ხალხი, ვინც წლების მანძილზე ამ საქმეს ემსახურება“. ავიაშოუს საქართველოს პრეზიდენტი გიორგი მარგველაშვილი, თავდაცვის მინისტრი ირაკლი ალასანია, თავდაცვის სამინისტროსა და გაერთიანებული შტაბის ხელმძღვანელი პირები, მთავრობისა და საპარლამენტო უმრავლესობის წევრები ესწრებოდნენ.

სიახლე
9 სექტემბერი 2014  
 
იხილეთ მეტი