ცხელი ხაზი 272 22 22
06:20 27/12/2014
გამოიწერეთ სიახლეები ელ. ფოსტაზე
 

თბილისის მერი, დავით ნარმანია სახალხო დამცველთან არსებულ ეთნიკური უმცირესობების საბჭოს წევრებს შეხვდა. დედაქალაქის მერიაში გამართულ შეხვედრას სახალხო დამცველი უჩა ნანუაშვილი ესწრებოდა.
შეხვედრაზე  სახელმწიფო მმართველობაში ეროვნული უმცირესობის ჩართულობის აუცილებლობასა და სამომავლო თანამშრომლობაზე ისაუბრეს. თბილისის მერი გამოვიდა ინიციატივით, შეიქმნას მუდმივმოქმედი სამუშაო ჯგუფი, რომელიც პრობლემური საკითხების გადაჭრაზე იმუშავებს.
ხელისუფლებასა და ეთნიკური უმცირესობების საბჭოს შორის აქტიური თანამშრომლობისა და დიალოგის გაგრძელების  აუცილებლობაზე საუბრობს სახალხო დამცველიც. უჩა ნანუაშვილის თქმით, ამ მხრივ, სახალხო დამცველის აპარატი მაქსიმალურად უწყობს ხელს საბჭოს.  „ჩვენი სურვილია,  დიალოგი გაგრძელდეს, რათა მათ პირადად დასვან შეკითხვა ყველა პრობლემურ საკითხზე“ - განაცხადა სახალხო დამცველმა.
სახალხო დამცველთან არსებულ ეთნიკური უმცირესობების საბჭოს  მომდევნო შეხვედრა სავარაუდოდ, იანვარში გაიმართება.

 

 

 

სიახლე
26 დეკემბერი 2014  
 
 

დღეს ერეკლე II-ის ქუჩაზე ნაძვის ხის ფესტივალი გაიხსნა. სხვადასხვა წამყვანი კომპანიის საიმიჯო ნაძვის ხეები ორი კვირის განმავლობაში იქნება გამოფენილი და მათ შორის საუკეთესო ნაძვის ხე ფესტივალის ბოლოს გამოვლინდება. გამარჯვებულ ნაძვის ხეს ერეკლე II-ის ქუჩის სტუმრები ხმის მიცემით შეარჩევენ.
ნაძვის ხეების ფესტივალი წინასაახალწლო ღონისძიებების ფარგლებში მიმდინარეობს და 7 იანვარს საზეიმო დაჯილდოებით დასრულდება.

სიახლე
25 დეკემბერი 2014  
 
 

პრემიერმა და მერმა რიყის პარკის ტერიტორიაზეც გაისეირნეს, საბავშვო გასართობ ადგილებთან შეჩერდნენ და საშობაო ბაზრობა დაათვალიერეს. ბავშვების განსაკუთრებული მოწონება რიყეზე მდგარმა თოვლის ბაბუამ და პონების მინი ზოოპარკმა დაიმსახურა. 
„თბილისის მერთან ერთად დავათვალიერე მიმდინარე სამუშაოები. როგორც ნახეთ, ძალიან კარგი იდეებია განხორციელებული და ყველა კარგ განწყობაზეა. მინდა, მთელს საქართველოს მივულოცო დამდეგი ახალი წელი, ვუსურვო ბედნიერება, სიხარული, მშვიდობა და კეთილდღეობა ყველა ოჯახს,“– განაცხადა ირაკლი ღარიბაშვილმა ჟურნალისტებთან საუბრისას.
დღეიდან თბილისში, რიყეზე საახალწლო ღონისძიებები დაიწყო, რომელიც 7 იანვრის ჩათვლით გაგრძელდება.

სიახლე
25 დეკემბერი 2014  
 
 

თბილისის მერმა დავით ნარმანიამ დედაქალაქში  მცხოვრებ სხვადახვა ქრისტიანული კონფესიის მრევლს შობა მოილოცა.
დავით ნარმანია კათოლიკურ ეკლესიაში სადღესასწაულო წირვას  საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრ სოზარ სუბართან, შერიგებისა და სამოქალაქო თანასწორობის საკითხებში სახელმწიფო მინისტრ პაატა ზაქარეიშვილთან და რელიგიის საკითხთა სახელმწიფო სააგენტოს ხელმძღვანელ ზაზა ვაშაყმაძესთან ერთად დაესწრო, რის შემდეგაც შობის დღესასწაული მთავრობის წევრებთან ერთად “ორმოცდაათიანელებს” მიულოცა. 
"მოვედით, რათა  მოგილოცოთ და თქვენთან ერთად გავიზიაროთ ქრისტეშობის დღესასწაული, რომელიც ისევე, როგორც მაცხოვრის აღდგომა, ყველა ქრისტიანს გვაერთიანებს. შობა განსაკუთრებით მნიშვნელოვანია, როგორც პირველწყარო, დასაწყისი და დასაბამი ქრისტიანული რწმენისა.  შობის სასწაულით იწყება უფლის განკაცება. ეს ის დღეა, როცა სამყარო ერთად ზეიმობს, როცა კეთილმა სძლია ბოროტს. ჩვენ ვართ ერთნი და ამ ერთობით მინდა დღევანდელი დღე მოგილოცოთ"- მიმართა დავით ნარმანიამ კათოლიკური ეკლესიისა და „ორმოცდაათიანელების“ მრევლს და მათ ერთიანობა და სულის სიმტკიცე უსურვა.

სიახლე
25 დეკემბერი 2014  
 
 

2015 წლის 4 იანვარს ფილარმონიის დიდ საკონცერტო დარბაზში ნანი ბრეგვაძის სოლო კონცერტი გაიმართება, რომელსაც მომღერალი  უწმინდესსა და უნეტარესს, სრულიად საქართველოს კათოლიკოს-პატრიარქს ილია მეორეს უძღვნის.
კონცერტში სხვა ქართველ მომღერლებთან ერთად ეკა მამალაძე და ნატალია ქუთათელაძე მიიღებენ მონაწილეობას.
ღონისძიება საქართველოს კულტურის პალატის ორგანიზებით ტარდება. პროექტის მხარდამჭერები არიან: თბილისის მერია და საქართველოს კულტურისა და ძეგლთა დაცვის სამინისტრო.
კონცერტის შესახენ ინფორმაცია მედიის წარმომადგენლებს ნანი ბრეგვაძემ, მერიის კულტურის საქალაქო სამსახურის უფროსმა - ია მაქაცარიამ, კულტრის პალატის  თავმჯდომარემ - დავით ოქიტაშვილმა და „ბრავო რექორდსის“ პრეზიდენტმა - ზაზა შენგელიამ ერთბლივად მიაწოდეს. 

სიახლე
25 დეკემბერი 2014  
 
 

ნაძალადევის რაიონში სპორტული მოედნების რეაბილიტაციის პროცესი აქტიურ ფაზაშია. რაიონის გამგებელმა ზაზა გაბუნიამ მოსახლეობასთან ერთად დღეს თემქაზე, 48-ე სკოლის ეზოში მდებარე განახლებული სტადიონი გახსნა. 450 კვ/მ ფართობის მოედანზე დაიგო ახალი, ხელოვნური მწვანე საფარი, განახლდა ფეხბურთისა და კალათბურთის კარები; სპორტული მოედნის გარშემო დამონტაჟდა ახალი ტექნოლოგიის ლითონის ბადე, რომელიც უსაფრთხოების მიზნით მოქცეულია პლასტმასის კონსტრუქციაში.
ნაძალადევის გამგებლის ზაზა გაბუნიას თქმით, დეკემბრის ბოლომდე კიდევ 3 სტადიონის რეაბილიტაცია დასრულდება.

 

სიახლე
13 დეკემბერი 2014  
 
 

ელენე ახვლედიანის სახელობის გალერეაში სოციალურად დაუცველი ბავშვების გამოფენა გაიმართა. საგამოფენო დარბაზში ბავშვების ნახატები, თიხის ნაკეთობები და ხელნაკეთი თოჯინები გამოიფინა. გამოფენას თბილისის მერიის კულტურის საქალაქო სამსახურის უფროსი ია მაქაცარია დაესწრო.
ღონისძიება ახვლედიანის სახელობის გალერეაში თოჯინების თეატრის წარმოდგენით დაიწყო. კულტურის საქალაქო სამსახურის უფროსმა გალერეის განახლებილი შენობაც დაათვალიეა.

სიახლე
24 დეკემბერი 2014  
 
 

თბილისის მერიასა და ირლანდიის დედაქალაქ დუბლინის მერიას შორის ურთიერთგაგების მემორანდუმი გაფორმდა. დედაქალაქის მერის ირლანდიაში ვიზიტის ფარგლებში, მემორანდუმს ხელი მოაწერეს დავით ნარმანიამ და დუბლინის ლორდ მერმა ქრისტი ბრუკმა.
მემორანდუმის თანახმად, მხარეები ერთმანეთს გაუზიარებენ ცოდნასა და გამოცდილებას ეკონომიკის, კულტურის, განათლების, ტურიზმის, საზოგადოებრივი ტრანსპორტის, გარემოს დაცვის, მყარი ნარჩენების მართვისა და ადგილობრივი მმართველობის სფეროში.
როგორც ირლანდიიდან დაბრუნებულმა თბილისის მერმა დღეს გამართულ ბრიფინგზე ოფიციალური ვიზიტის შეჯამებისას განაცხადა, თბილისი და დუბლინი ორ ძალიან მნიშვნელოვან - გამწვანების და საცობების მართვის საკითხებში ითანამშრომლებენ.
„მე უკვე მოვიწვიე ორი სპეციალისტი ირლანდიიდან, რომლებიც შეისწავლიან დედაქალაქის სატრანსპორტო სისტემის მართვის ნაწილს და გაგვიწევენ რეკომენდაციებს, როგორ განვავითაროთ იგი თანამედროვე ტექნოლოგიების გამოყენებით, რათა შევძლოთ საცობების მართვა“ - განაცხადა დავით ნარმანიამ.
მისი თქმით, სხვა პრიორიტეტებს შორის, ერთ-ერთი უმთავრესი პრიორიტეტი დედაქალაქში ეკოლოგიური მდგომარეობის გაუმჯობესებაა, ამდენად, ძალიან  მნიშვნელოვანია ირლანდიის მიდგომები ამ კუთხით. მისივე თქმით, ქართული მხარე დაამუშავებს მათ მოდელს და საუკეთესო პრაქტიკაზე დაყრდნობით გააუმჯობესებს დედაქალაქის ეკოლოგიურ მდგომარეობას.

 

 

 

 

 

 

 

სიახლე
12 დეკემბერი 2014  
 
 

ნაძალადევის რაიონში, ასკურავას N1-ში მცხოვრები 78 ოჯახი ბუნებრივი აირის მოხმარებას შეძლებს. ისინი 17 წელია კომპაქტურ ჩასახლებაში ცხოვრობენ და ამ ხნის განმავლობაში შენობა გაზიფიცირებული არ იყო. სამუშაოების დასრულებას ვიცე-პრემიერი,ენერგეტიკის მინისტრი კახა კალაძე, ნაძალადევის რაიონის გამგებელი ზაზა გაბუნია და „ყაზტრანსგაზ თბილისის“ სპეციალური მმართველი გია ბენაშვილი დაესწრნენ.
ობიექტის გაზიფიცირების მიზნით მოეწყო 200 მეტრის დაბალი წნევის გაზსადენი და თითოეულ ოჯახში დამონტაჟდა ბუნებრივი გაზის აღრიცხვის კვანძი. 78 ოჯახის გაზიფიცირების ხარჯები ნაძალადევის რაიონის გამგეობამ დაფარა. „ყაზტრანსგაზ თბილისის“ მიერ შესრულებული სამუშაოსთვის გამგეობამ 40 000 ლარზე მეტი გამოყო. ზაზა გაბუნიას თქმით, 2015 წლის განმავლობაში დევნილთა და სოციალურად დაუცველთა საცხოვრებლების გაზიფიცირების პროცესი აქტიურად გაგრძელდება.
მიმდინარე წელს, თბილისის მასშტაბით 400-ზე მეტი კომპაქტურად ჩასახლებული დევნილი და 100-ზე მეტი სოციალურად დაუველი ოჯახი გაზიფიცირდა.

 

 

სიახლე
24 დეკემბერი 2014  
 
 

მედიასაშუალებებით გავრცელებული ინფორმაცია, რომ საქართველოს პროკურატურის წარმომადგენლები იმყოფებიან თბილისის მერიაში და მიმდინარეობს საგამოძიებო მოქმედებები "თბილისობის" დღესასწაულთან დაკავშირებული შესყიდვის დოკუმენტაციის ამოღების მიზნით, სიმართლეს არ შეესაბამება.
საზოგადოებას ვაცნობებთ, რომ აღნიშნულ საკითხზე მთავარ პროკურატურაში მიმდინარეობს გამოძიება ხსენებული შესყიდვების კანონიერების დასადგენად და გამოძიების პროცესში თბილისის მერია აქტიურად არის ჩართული.
ვინაიდან საზოგადოებაში გაჩნდა კითხვები "თბილისობის" დღესასწაულთან დაკავშირებით განხორციელებულ შესყიდვებზე, თბილისის მერია გამოძიებას მიაწოდებს სრულ დოკუმენტაციას, რისი მოგროვების პროცესიც მიმდინარეობს და აპირებს მჭიდრო თანამშრომლობის გაგრძელებას გამოძიებასთან სიმართლის დასადგენად.

სიახლე
9 დეკემბერი 2014  
 
 

„მინდა მოგილოცოთ დღევანდელი დღე - ხანუქას წმინდა დღესასწაული. დღესასწაული, რომელიც ძლიერების, ერთიანობის, გამარჯვების და სიკეთის სიმბოლოა. იმ სიკეთისა, რომელმაც სძლია ბოროტებას. ქართველი და ებრაელი ხალხი 26 საუკუნის განმავლობაში ისევე ედგა გვერდში ერთმანეთს, როგორც დღეს ჩვენ ვდგავარ ერთმანეთის გვერდით. მოვედით აქ, რათა მოგილოცოთ დღევანდელი დღე და გავიზიაროთ ის დიდი ლხინი, დიდი ტრადიცია და ურთიერთობები, რაც ებრაელ ხალხს საუკუნეებია მოსდგამს“ - მიმართა  დედაქალაქის მერმა დამსწრე საზოგადოებას და ხანუქას სანთელი აანთო.
დავით ნარმანიამ ხაზი გაუსვა ქართველი და ებრაელი ხალხის  26 საუკუნოვან მშვიდობიან თანაცხოვრებას და სამომავლოდ აქტიური ურთიერთობის და თანამშრომლობის მზაობა გამოთქვა. ხანუქას სანთლის ანთების  ცერემონიას საქართველოს პრეზიდენტი გიორგი მარგველაშვილი, საკრებულოს თავმჯდომარე გიორგი ალიბეგაშვილი და საქართველოში ისრაელის საგანგებო და სრულუფლებიანი ელჩი იუვალ ფუქსი ესწრებოდნენ. 

სიახლე
23 დეკემბერი 2014  
 
 

დედაქალაქი საახალწლო ილუმინაციებით ფორმდება. მაგისტრალების, ქუჩების, სკვერების, მორთვა თბილისის ყველა უბანში ერთდროულად მიმდინარეობს.რუსთველის გამზირზე უკვე დასრულდა საქართველოს პარლამენტის შენობის გაფორმება, შენობის წინ დამონტაჟდა მანათობელი ანგელოზის ფიგურები და ყვავილები. დედაქალაქის მთავარი, 25 მეტრიანი ნაძვის ხე პარლამენტის შენობის წინ დაიდგმება. ტრადიციული ნაძვის ხის კომპოზიცია აეწყობა თავისუფლების მოედანზე, წმინდა გიორგის მონუმენტზე. კომპოზიციის ავტორია მხატვარი მურაზ მურვანიძე.
საახალწლო განათებების მონტაჟი ასევე დასრულებულია ვაჟა-ფშაველას, ალექსანდრე ყაზბეგის, გროგოლ რობაქიძის, ნოდარ დუმბაძის და დავით გურამიშვილის გამზირებზე. მორთულია ბარათაშვილის აღმართი, გლდანულას შესახვევი, მელაანის, ბუშის და ლეხ კაჩინსკის ქუჩები.
საახალწლო ილუმინაციებით დედაქალაქის გაფორმების სამუშაოები 20 დეკემბრისთვის დასრულდება. სამუშაოებს  ტენდერში გამარჯვებული შპს „სინათლის ქალაქი“ ასრულებს.

სიახლე
30 ნოემბერი 2014  
 
 

თბილისის მერი დავით ნარმანია დღეს სოციალური საწარმოების მესამე ყოველწლიურ კონფერენციას დაესწრო. კონფერენცია თბილისის მერიის, ევრაზიის თანამშრომლობის ფონდის და საქართველოს სტრატეგიული კვლევებისა და განვითარების ცენტრის ორგანიზებით, სასტუმრო „რედისონ ბლუ ივერიაში“ გაიმართა.
ფორუმში თბილისის მერიის, სოციალური საწარმოების, არასამთავრობო ორგანიზაციებისა და ბიზნესსექტორის წარმომადგენლები მონაწილეობდნენ. ღონისძიების მეორე ნაწილი თბილისის მერმა გახსნა. დავით ნარმანიამ სექტორებს შორის თანამშრომლობასა და მის მნიშვნელობაზე, თანამშრომლობის შესაძლო სფეროებზე და მექანიზმებზე ისაუბრა.
„სოციალური მეწარმეობა ძალიან საინტერესო მიმართულებაა. სხვადასხვა კატეგორიის შეზღუდული  შესაძლებლობების ან სოციალური მზრუნველობის მქონე ადამიანები მუშაობენ და  ქმნიან პროდუქციას, რომელიც ბაზარზე იყიდება. საინტერესოა იმით, რომ ეს ადამიანები იღებენ შემოსავალს და მუდმივად არიან დატვირთულები და აკეთებენ იმ საქმეს, რაც მათ სიამოვნებას ანიჭებთ. თბილისის მერია აქტიურად უჭერს მხარს თბილისში მოქმედ სოციალურ საწარმოებს და მომავალშიც გავაგრძელებთ მხარდაჭერას“, - განაცხადა დავით ნარმანიამ.
სოციალური საწარმოების კონფერენცია მესამე წელია იმართება. წელს ფორუმის მთავარი თემა სამოქალაქო, საჯარო და კერძო სექტორებს შორის თანამშრომლობაა. ღონისძიების მიზანია სოციალური მეწარმეობის, როგორც სოციალური მიზნების მქონე ბიზნეს-მოდელის განვითარება და ხელშეწყობა.

 

სიახლე
23 დეკემბერი 2014  
 
 

მთაწმინდის რაიონში, გოგებაშვილის ქუჩაზე, გზის სავალი ნაწილის მოასფალტება მიმდინარეობს.  სარეაბილიტაციო სამუშაოები, რომელიც 4 ოქტომბერს დაიწყო, დღეს თბილისის მერმა, დავით ნარმანიამ, კეთილმოწყობის საქალაქო სამსახურის უფროსთან, ავთანდილ სუდაძესთან და მთაწმინდის გამგებელთან, გელა არჩვაძესთან ერთად დაათვალიერა.
„ჩვენ მოსახლეობას დავპირდით და დათქმულ ვადაში ვასწრებთ სარეაბილიტაციო სამუშაოებს. გოგებაშვილის ქუჩაზე სამუშაოების ძირითადი ნაწილი მიმდინარე თვის ბოლომდე დასრულდება. დღეს იგება გზის პირველი საფარი, რის შემდეგაც დაიგება მეორე ფენა. გარდა ამისა, ინტენსიურად  მიმდინარეობს დაზიანებული გზების შეკეთება  დედაქალაქის სხვა რაიონებშიც, რათა ზამთრის პერიოდს მომზადებული შევხვდეთ და უმტკივნეულოდ გადავიტანოთ“ - განაცხადა დავით ნარმანიამ.
თბილისის მერიის კეთილმოწყობის საქალაქო სამსახურის უფროსის ავთანდილ სუდაძის თქმით, პროექტის ფარგლებში კაპიტალურად შეკეთდება მთლიანი ქუჩა საერთო ფართობით - 5 600 კვადრატული მეტრი. მისივე თქმით, უკვე დასრულდა გრუნტის მოწყობის, აგრეთვე, წყლისა და კანალიზაციის ჭების ამოწევის სამუშაოები, დასასრულს უახლოვდება ბორდიურებისა და ტროტუარების მოწყობა.
სარეაბილიტაციო სამუშაოებს „სამშენებლო სატრანსპორტო კომპანია“ ახორციელებს.

 

 

 

სიახლე
21 ნოემბერი 2014  
 
 

რიყის პარკში, მშვიდობის ხიდის მიმდებარედ, ბავშვებმა ცოცხალი ნაძვის ხეები მორთეს. ნაძვის ხეების მორთვაში მონაწილეობა თბილისის მერმა დავით ნარმანიამ ოჯახთან ერთად მიიღო. ნაძვის ხეების მორთვის შემდეგ დავით ნარმანიამ რიყეზე საახალწლოდ მიმდინარე სამუშაოები დაათვალიერა.

სიახლე
23 დეკემბერი 2014  
 
 

ქ. თბილისის მუნიციპალიტეტის მერიაში, ყოფილი მთავრობის პირობებში დამკვიდრებული იყო პრაქტიკა, რომლის თანახმად, სახელმწიფო შესყიდვების შესახებ გამოცხადებულ ელექტრონულ ტენდერში, ტენდერის მონაწილე პრეტენდეტების მიერ, სატენდერო წინადადების სახით, ცალკეულ შემთხვევებში ხდებოდა მხოლოდ რეკვიზიტების წარმოდგენა, რაც მიზანმიმართულად ხელს უწყობდა ტენდერის მიმდინარეობის პროცესის ხელოვნურ გაჭიანურებას. ამასთან, აღსანიშნავია, რომ რეკვიზიტების წარმოდგენა არ იყო გათვალისწინებული ინფრასტრუქტურულ პროექტებთან დაკავშირებული ელექტრონული ტენდერების სატენდერო მოთხოვნებით.
2014 წლის სექტემბრიდან, არსებითად უარყოფილი იქნა ზემოხსენებული მავნე პრაქტიკა და პრეტენდენტის მიერ მხოლოდ რეკვიზიტების წარმოდგენის შემთხვევაში, სატენდერო კომისია, საქართველოს კანონმდებლობის სრული დაცვით, ზემოხსენებულ პრეტენდენტს ანიჭებს დისკვალიფიკაციას. ქ. თბილისის მუნიციპალიტეტის მერიის მიერ, სახელმწიფო შესყიდვების შესახებ გამოცხადებული ელექტრონული ტენდერის მონაწილე პრეტენდენტები ვალდებულნი არიან სახელმწიფო შესყიდვების სააგენტოს პორტალზე - სახელმწიფო შესყიდვების ერთიან ელექტრონულ სისტემაში - თავიდანვე სრულყოფილად წარმოადგინონ სატენდერო დოკუმენტაციით გათვალისწინებული დოკუმენტები.
დამატებით გაცნობებთ, რომ აღნიშნულთან დაკავშირებით, სახელმწიფო შესყიდვების სააგენტოს დავების განხილვის საბჭოში, ქალაქ თბილისის მუნიციპალიტეტის მერიის წინააღმდეგ, ელექტრონულ ტენდერში მონაწილე პრეტენდენტების მიერ (რომლებმაც სატენდერო წინადადებით ატვირთეს  რეკვიზიტები)  წარდგენილი იქნა ორი საჩივარი, რომელთაგან ერთი (SPA140020932 ელექტრონულ ტენდერთან დაკავშირებით) გადაწყდა შემსყიდველი ორგანიზაციის სასარგებლოდ, ხოლო მეორე  (SPA140021523 ელექტრონულ ტენდერთან დაკავშირებით)   საბჭოს მიერ დაუშვებლად იქნა მიჩნეული.

 

სიახლე
21 ნოემბერი 2014  
 
 

დავით ნარმანია თბილისის მერიის ვებ-პორტალის კონცეფციის პრეზენტაციას და განხილვას დაესწრო. პრეზენტაცია სასტუმრო „ქორთიარდ მარიოტში“ პროექტის - "თბილისის მერიაში გამჭვირვალობისა და ანგარიშვალდებულების ახალი სტანდარტების დანერგვის ხელშეწყობა“ ფარგლებში, IDFI-მ ფონდ „ღია საზოგადოება - საქართველოს“ მხარდაჭერით გამართა.  ღონისძიებას ესწრებოდნენ თბილისის რაიონების გამგებლები, საქალაქო სამსახურებისა და საქვეუწყებო ორგანიზაციების ხელმძღვანელები, ასევე არასამთავრობო ორგანიზაციების წარმომადგენლები.
ღონისძიებაზე წარმოდგენილი იყო თვითმმართველი ქალაქების ვებ-პორტალების საერთაშორისო გამოცდილების კვლევა და  თბილისის მერიის ვებ-პორტალის ახალი კონცეფცია. როგორც თბილისის მერმა აღნიშნა, მოდერნიზებული ვებ-პორტალი იძლევა საშუალებას, მერიის სტრუქტურა კიდევ უფრო გამჭვირვალე გახდეს.
„ჩემი წინასაარჩევნო დაპირების შესაბამისად, მერიის სტრუქტურა უნდა იყოს სრულად გამჭვირვალე და ანგარიშვალდებული ხალხის წინაშე. ამის მიღწევა მოდერნიზებული ვებ-პორტალის საშუალებით არის შესაძლებელი. სწორედ ამიტომ, ფონდ „ღია საზოგადოება - საქართველოსთან" და IDFI-სთან ერთად დავიწყეთ ეს პროექტი, რათა მერიას ჰქონდეს ერთ-ერთი ყველაზე თანამედროვე, გამჭვირვალე და ანგარიშვალდებულებაზე ორიენტირებული პორტალი. ჩვენ ასევე გამოვედით ინიციატივით, რომ შევუერთდეთ ღია მმართველობის საერთაშორისო ინიციატივას, რომლის ფარგლებშიც პორტალზე გამოვაქვეყნებთ იმ ინფორმაციას, რაც გამჭვირვალეობისთვის აუცილებელია. გარდა ამისა, პროაქტიულ გამოქვეყნებაზეც ვიზრუნებთ, რათა საზოგადოებას ჰქონდეს ყველა ის ინფორმაცია, რომელიც აქამდე ეზღუდებოდა“, _ განაცხადა დავით ნარმანიამ.
პროექტის - „თბილისის მერიაში გამჭვირვალობისა და ანგარიშვალდებულების ახალი სტანდარტების დანერგვის ხელშეწყობა“ - მთავარი ამოცანაა თბილისის მერიის ახალი ვებ-პორტალის კონცეფციის შექმნითა და დანერგვით, საჯარო ინფორმაციის ხელმისაწვდომობის უზრუნველყოფა და მოქალაქეებზე ორიენტირებული ინფორმაციული ვებ-სისტემის შექმნა.

 

სიახლე
23 დეკემბერი 2014  
 
 

დღეს საკრებულოს უმცირესობის წევრებმა გაავრცელეს ცრუ ინფორმაცია, თითქოს 2015 წლიდან თბილისში რეგისტრირებული ოჯახების კომუნალური სუბსიდირების პროგრამის ბიუჯეტი მცირდება. რეალურად, 2015 წლიდან სოციალურად დაუცველი ოჯახებისთვის არსებული შეღავათები გაორმაგდება და, 250 ლარის ნაცვლად, მათზე 500-ლარიანი სუბსიდია გაიცემა, ხოლო ყველა დანარჩენ ოჯახს 2015 წლის პირველი 3 თვის განმავლობაში, ჩვეულებრივ ჩაერიცხება 20 ლარი თვეში, როგორც ეს წინა წლებში ხორციელდებოდა.
სამწუხაროდ, დღეს არსებული პროგრამის ადმინისტრირების მექანიზმები არ იძლევა იმის საშუალებას, რომ ოჯახებზე, რომლებიც არ არიან რეგისტრირებულები სოციალურად დაუცველთა ბაზაში,  მიზნობრივად გაიცეს კომუნალური სუბსიდიის თანხა მათი საჭიროების შესაბამისად. პროგრამის ხარვეზის გამო, დახმარებას იღებენ როგორც შეჭირვებული, ისე სოლიდური შემოსავლის მქონე ოჯახები, რაც ცალსახად არასწორი მენეჯმენტის შედეგია.
პროგრამის სრულყოფის მიზნით, დახმარების მიზნობრიობის გაუმჯობესებისათვის, 2015 წელს შეიქმნება სამუშაო ჯგუფი, რომელიც მომდევნო წლის განმავლობაში შეიმუშავებს არა სოციალურად დაუცველი, მაგრამ კომუნალური სუბსიდიის საჭიროების მქონე ოჯახებისათვის დახმარების მიზნობრივად გაცემის მექანიზმებს და, მიღებული შედეგების შესაბამისად, 2015 წლის ნოემბერსა და დეკემბერში განხორციელდება ასეთი საჭიროების მქონე ოჯახების დამატებითი სუბსიდირება.
რაც შეეხება საბავშვო ბაღის პედაგოგებისთვის უფასო მგზავრობის საკითხს, ის საჭიროებს თბილისის მთავრობის გადაწყვეტილებას, რაც 2015 წლის ბიუჯეტის დამტკიცებისთანავე იქნება მიღებული.
მივმართავთ საკრებულოს უმცირესობის წევრებს, ნუ ავრცელებენ არასწორ ინფორმაციას და შეგნებულად ნუ შეიყვანენ შეცდომაში თბილისის მოსახლეობას.

 

სიახლე
17 ნოემბერი 2014  
 
იხილეთ მეტი