ცხელი ხაზი 272 22 22
09:03 26/10/2014
სიახლეების გამოწერა
სიახლეების გამოსაწერად მიუთითეთ თქვენი ელ-ფოსტა.

 

თბილისის მერის მოადგილე ნინა ხატისკაცი და საბურთალოს რაიონის გამგებელი ბექა მიქაუტაძე გოძიაშვილის სახელობის სკვერში "თბილისობისადმი" მიძღვნილ საზეიმო ღონისძიებას დაესწრნენ. თბილისის მერის მოადგილის თქმით მნიშვნელოვანია, რომ "თბილისობა" ქალაქის მასშტაბით ყველა რაიონში მიმდინარეობს და ნებისმიერი ასაკის ადამიანს შესაძლებლობა აქვს მისთვის საინტერესო ღონისძიებებს დაესწროს.

 

 

სიახლე
25 ოქტომბერი 2014  
 
 

201-ე საბავშვო ბაღში დღეს თბილისის ბაგა-ბაღების მართვის  სააგენტოსა და ”თბილსერვის ჯგუფის” დასუფთავების ერთობლივი აქცია - ,,სუფთა გარემო ბავშვებს’’ გაიმართა. აქციის მონაწილეებმა საბავშვო ბაღის მიმდებარე ტორიტორია სამშენებლო და საკვები პროდუქტების ნარჩენებისგან ბაგა-ბაღის თანამშრომლებთან ერთად დაასუფთავეს.
ბაგა-ბაღების მართვის სააგენტოსა და ”თბილსერვის ჯგუფის” პროექტის მიზანია, ხელი შეუწყოს ბაღის აღსაზრდელების მაქსიმალურ სუფთა გარემოში ყოფნას.
”ჩვენი მიზანია ბავშვები მაქსიმალურად სუფთა გარემოში გვყავდეს. მსგავსი ერთობლივი ღონისძიებებით კი შედეგს ნამდვილად მივაღწევთ. აქცია არ იქნება ერჯერადი, ბაგა-ბაღების ეზოებისა და მიმდებარე ტერიტორიების დასუფთავება სისტემურ სახეს მიიღეს” - განაცხადა თბილისის ბაგა-ბაღების მართვის სააგენტოს ხელმძღვანელმა თემურ თორდინავამ.

 

 

 

 

 

სიახლე
18 ოქტომბერი 2014  
 
 

თბილისის მერის მოადგილე, გიორგი სოლომონია და სამგორის რაიონის გამგებელი მამუკა ჩოქური სამგორის რაიონის საჯარო სკოლებისა და საბავშვო ბაღების ანსამბლების მონაწილეობით გამართულ კონცერტს დაესწრნენ. გიორგი სოლომონიამ შეკრებილ სტუმრებს სიტყვით მიმართა და "თბილისობის" დღესასწაული მიულოცა.
"თბილისობა 2014" ქალაქის ყველა რაიონში გრძელდება და საზეიმო ღონისძიებები სამგორის რაიონში ხვალაც ჩატარდება.

 

სიახლე
25 ოქტომბერი 2014  
 
 

თბილისის მერის მოადგილე ალუდა გოგლიჩიძე, ბაგა-ბაღების მართვის სააგენტოს ხელმძღვანელი თემურ თორდინავა, ნაძალადევის რაიონის გამგებელი ზაზა გაბუნია  და საკრებულოს ნაძალადევის რაიონის დეპუტატი ზაზა კოლელიშვილი თბილისის მე-9 საბავშვო ბაგა-ბაღს ესტუმრნენ.
პროექტ ,,შემოდგომის ფესტივალი ბაგებში’’ კვირეულის ფარგლებში ბაგა-ბაღის ეზოში წარმოდგენილი იყო საქართველოს სხვადასხვა კუთხე. ბაღის აღსაზრდელებმა თითოეული კუთხისათვის დამახასიათებელი სიმღერები და ლექსები შეასრულეს. მოწვეულმა სტუმრებმა პატარებთან ერთად მონაწილეობა მიიღეს ფელამუშის  მომზადებასა და ჩურჩხელის ამოვლებაში.
პროექტი ,,შემოდგომის ფესტივალი ბაღებში’’, რომელიც მიზანად ისახავს პატარებისათვის საქართველოს სხვადასხვა კუთხის კულტურისა და ტრადიციების გაცნობას, თბილისის ყველა საჯარო ბაგა-ბაღში  ჩატარდა. 

 

სიახლე
17 ოქტომბერი 2014  
 
 

თბილისის მერმა, დავით ნარმანიამ საკრებულოს ისტორიულ შენობაში, „საპატიო თბილისელები“ დააჯილდოვა. წელს, „საპატიო თბილისელის“ წოდება მიენიჭა თბილისის მეტრო-სადგურთა პროექტების ავტორს, ლამარა აბაშმაძეს; ლოტბარ ანზორ ერქომაიშვილს; კომპოზიტორ გურამ ბზვანელს;  სახალხო არტისტს, კახი კავსაძეს; მწერალ ბაჩანა ბრეგვაძეს; ოფთალმოლოგ ივა ბერაძეს; ანსამბლ „ქართული ხმების“ წევრს, გია ჭირაქაძეს; აშშ-ს ელჩს საქართველოში, რიჩარდ ნორლანდს და დავით ბააზოვის საქართველოს ებრაელთა ისტორიის მუზეუმის დირექტორს, გივი ღამბაშიძეს.
„ჩვენ არასდროს დავივიწყებთ და განსაკუთრებულ პატივს მივაგებთ იმ ადამიანთა ღვაწლს, ვინც წლების განმავლობაში აშენებდა თბილისს, ქმნიდა მის განუმეორებელ სახეს“, - განაცხადა დავით ნარმანიამ.

 

 

 

 

 

 

 

 

 

სიახლე
25 ოქტომბერი 2014  
 
 

არქიტექტორებთან სამომავლო თანამშრომლობის გაღრმავების, კომუნიკაციის გაძლიერების, პროფესიული  იდეებისა და ქალაქის განვითარების ერთიანი ხედვის ჩამოყალიბების მიზნით, თბილისის არქიტექტურის სამსახურის ინიციატივით,  თბილისის მერის მოადგილე ნინა ხატისკაცი და არქიტექტურის სამსახურის უფროსი ნინო ღოღობერიძე არქიტექტორებს შეხვდნენ.
თბილისის მერის მოადგილის ნინა ხატისკაცის თქმით,  შეხვედრის მიზანი თბილისის მერიის არქიტექტურის სამსახურსა და არქიტექტორებს შორის თანამშრომლობის ფორმების გამონახვა იყო.
„ჩვენ მზად ვართ შეიქმნას ურთიერთობისათვის ღია სივრცე, იყოს მაღალი ჩართულობა მერიის მიერ გამოცხადებულ კონკურსებში, რადგან მნიშვნელოვანი და საინტერესოა მათი ხედვები ქალაქში განსახორციელებელ პროექტებთან დაკავშირებით,“ - განაცხადა ნინა ხატისკაცმა.
თავის მხრივ, არქიტექტორები მიესალმებიან თბილისის მერიის ინიციატივას და მიიჩნევენ, რომ აუცილებელია კომუნიკაციის გაღრმავება დედაქალაქის მთავრობასთან. მათივე თქმით, მნიშვნელოვანია ასევე არქიტექტურული კონკურსების გამოცხადება, რომელშიც  მონაწილეობას მიიღებს ყველა დაინტერესებული პირი. არქიტექტორები იმედოვნებენ, რომ კომპეტენტური ჟიური  ობიექტურად შეაფასებს კონკურსანტებს.

 

 

სიახლე
16 ოქტომბერი 2014  
 
 

დღეს, "თბილისობის" დღესასწაულზე  თბილისის მერის მოადგილემ გიორგი ხელაიამ,  ჩუღურეთის რაიონის გამგებელმა ზურაბ ჩიკვილაძემ და ჩუღურეთის რაიონის მაჟორიტარმა დეპუტატმა რიმა ბერაძემ თბილისის მერიის საკონცერტო ორკესტრ „ბიგ-ბენდი“-ს სარეპეტიციო დარბაზი გახსნეს.
თბილისის მერიის საკონცერტო ორკესტრი „ბიგ-ბენდი“ 1997 წელს ჩამოყალიბდა. მუსიკალურ წრეებში ორკესტრი მაღალპროფესიულ, საუკეთესო საშემსრულებლო ხარისხის თანამედროვე კოლექტივადაა აღიარებული.
თბილისის მერის მოადგილის გიორგი ხელაიას თქმით, მნიშვნელოვანია ქალაქში მსგავსი დონის დარბაზები არსებობდეს. აღნიშნული შენობა თბილისის მერიამ გაარემონტა და კეთილმოაწყო. მერია მომავალშიც გააგრძელებს "ბიგ-ბენდთან" მჭიდრო თანამშრომლობასა და მის მხარდაჭერას.

 

 

 

 

სიახლე
25 ოქტომბერი 2014  
 
 

თბილისის მერი, დავით ნარმანია ევროპის რეკონსტრუქციისა და განვითარების ბანკის (EBRD) სათავო ოფისის წარმომადგენლებს ლინ ო გრედის და კატარინა ბიორლინ ჰანსენს, ასევე EBRD-ის საქართველოს წარმომადგენლობის ხელმძღვანელს შეხვდა.
შეხვედრაზე აღინიშნა, რომ  დედაქალაქის საჭიროებების იდენტიფიცირების მიზნით, დაიწყება სამუშაოები ავტოტრანსპორტის მოძრაობის და საცობების მართვის, ასევე მყარი ნარჩენების და გარე განათების მიმართულებით. ამ  საკითხებთან დაკავშირებით EBRD-თან მუშაობის დასაწყებად, უახლოეს პერიოდში, თანამშრომლობის  მემორანდუმი გაფორმდება, რის შემდეგაც, ბანკი თავის  კონსულტანტს მოავლენს.
დავით ნარმანიას თქმით, ავტოტრანსპორტის ნაკადებისა და საცობების მართვასთან დაკავშირებით ჩატარდება კვლევა, რის შედეგადაც გამოვლინდება ფაქტობრივი მასალებით დადასტურებული ყველა ძირითადი პრობლემა. გარდა ამისა, კვლევის საფუძველზე დადგინდება, რამდენად ოპტიმალურად არის მუნიციპალური ტრანსპორტის სისტემა განაწილებული. მისივე თქმით, ჩატარდება ასევე მეტროპოლიტენსა და მუნიციპალურ ავტობუსებში არსებული მდგომარეობის კვლევა, რის შემდეგაც, ბანკი გასცემს შესაბამის რეკომენდაციებს და გამოყოფს დაფინანსებას.
რაც შეეხება მყარი ნარჩენების მართვის სფეროს, დავით ნარმანიას თქმით, შეფასდება ნაგავსაყრელზე არსებული მდგომარეობა, რის შემდეგაც, დაინტერესებული ინვესტორი კომპანიებისთვის წინადადებები მომზადდება. გარდა ამისა, შეფასდება მოძველებული გარე განათების სისტემა, რომელიც სამომავლოდ თანამედროვე განათებით და სადენებით შეიცვლება.

 

 

 

 

 

 

სიახლე
16 ოქტომბერი 2014  
 
 

თბილისის მერის მოადგილემ, ალუდა გოგლიჩიძემ გლდანის გამგებელთან, ბესო ქარცივაძესთან ერთად, დღეს ქართველი მსახიობისა და იუმორისტის, მზია კვირიკაშვილის საცხოვრებელ სახლთან მემორიალური დაფა გახსნა. მემორიალური დაფის გახსნას მზია კვირიკაშვილის ოჯახის წევრები და მეგობრები ესწრებოდნენ.
მემორიალური დაფის გახსნის იდეა მზია კვირიკაშვილის კოლეგას, ბესო ბერულაშვილს ეკუთვნის. მსახიობის მეგობრებს იდეის განხორციელებაში გლდანის გამგეობა დაეხმარა. 

სიახლე
25 ოქტომბერი 2014  
 
 

თბილისის ვიცე-მერი, ალექსანდრე მარგიშვილი დღეს, თავდაცვის მინისტრთან, ირაკლი ალასანიასთან ერთად, მუშთაიდის ბაღში ეროვნული გვარდიის სამხედრო საჩვენებელი ორკესტრის კონცერტს დაესწრო.
მუშთაიდის ბაღში იმყოფებოდნენ სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში, ალექსი პეტრიაშვილი, საკრებულოს და დიდუბის რაიონის გამგეობის წარმომადგენლები, ასევე პარლამენტის წევრები.
სამხედრო ორკესტრმა მუსიკა მსოფლიოს ცნობილი კინოშედევრებიდან შეასრულა. სტუმრებმა  თავდაცვის სამინისტროს და ხელნაწერთა ეროვნული ცენტრის მიერ მოწყობილი ერთობლივი გამოფენაც დაათვალიერეს. მუშთაიდის ბაღში გამოფენილი იყო სამხედრო თემატიკის ილუსტრაციები.

 

 

 

სიახლე
25 ოქტომბერი 2014  
 
 

თბილისის მერიაში დღეს მოქალაქეთა მორიგი მიღება გაიმართა. თბილისის მერის მოადგილეებს, საქალაქო სამსახურის უფროსებსა და რაიონის გამგებლებს სხვადასხვა საკითხებთან დაკავშირებით, 557 თბილისელი შეხვდა.
აქედან, რაიონის გამგებლებმა 352 მოქალაქეს, მერიაში კი 205 თბილისელს მოუსმინეს.  მოქალაქეთა მიღება არ გაუმართავს თბილისის მერს დავით ნარმანიას. ის ოფიციალური ვიზიტით სტრასბურგში იმყოფება. თბილისის მერი მოქალაქეებს მომდევნო ორშაბათს შეხვდება.
სულ, 11 აგვისტოდან  13 ოქტომბრის ჩათვლით, თბილისის მერმა, მერის მოადგილეებმა, საქალაქო სამსახურების ხელმძღვანელებმა და რაიონების გამგებლებმა  6 099 ადამიანი მიიღეს. აქედან, დედაქალაქის მერი 265 მოქალაქეს შეხვდა.
თბილისის მერის, დავით ნარმანიას ინიციატივით, მოქალაქეთა მიღება ყოველ ორშაბათს 14-დან 18 საათამდე მიმდინარეობს. მიღების წესის თანახმად, თბილისელებს შესაძლებლობა აქვთ, დედაქალაქის მთავრობის წევრებს შეხვდნენ და მათთვის მნიშვნელოვანი პრობლემატური საკითხები პირადად გააცნონ. 

სიახლე
13 ოქტომბერი 2014  
 
 

„თბილისობა 2014“ საკრებულოს ისტორიულ შენობაში საზეიმოდ გაიხსნა. ტრადიციული დღესასწაულის გახსნას სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე, საქართველოს პრემიერ-მინისტრი, ირაკლი ღარიბაშვილი, თბილისის მერი, დავით ნარმანია, საკრებულოს თავმჯდომარე, გიორგი ალიბეგაშვილი, საზოგადოების წარმომადგენლები, საკრებულოს დეპუტატები და საქართველოს მთავრობის წევრები ესწრებოდნენ.
თბილისის მერმა შეკრებილ საზოგადოებას „თბილისობის“ დღესასწაული მიულოცა და აღნიშნა, რომ წლევანდელი „თბილისობა“ სიახლეებით და მრავალფეროვანი პროგრამით განსაკუთრებულია.
,,თბილისობა“ უნიკალური დღესასწაულია, რომელიც თითქოს არ არის უძველესი, მაგრამ ერთსულოვნად აიტაცა ხალხმა – როგორც თბილისელებმა, ისე მთელმა საქართველომ. სწორედ ამ ერთსულოვნებაში გამოიხატა ქვეყნის დედაქალაქისადმი მრავალსაუკუნოვანი ერთგულება და პატივისცემა. მოხარული ვარ, რომ წლევანდელ, საიუბილეო ,,თბილისობას“ საკრებულოს განახლებული შენობით ვხვდებით. ჩვენ ყველაფერი გავაკეთეთ იმისათვის, რომ შეგვენარჩუნებინა ამ შესანიშნავი შენობის არქიტექტურული სული, მისი ისტორიული დარბაზები.
ჩვენ გადავწყვიტეთ, წლევანდელი თბილისობა განსაკუთრებული ყოფილიყო არა მხოლოდ მრავალფეროვანი პროგრამით, არამედ სიახლეებით, რომელსაც თბილისელებსა და სტუმრებს ვთავაზობთ. 
წლევანდელ თბილისობაზე ყველა თაობისა და გემოვნების ადამიანის ინტერესი გავითვალისწინეთ. გამორჩეული ყურადღება დაეთმობა ახალგაზრდულ ღონისძიებებს.
წელს პირველად თბილისობას აღვნიშნავთ არა მარტო ძველ თბილისში, არამედ დედაქალაქის ყველა რაიონში. გაიმართება ღვინის ფესტივალი ,,ღვინის სააგენტოსა“ და ,,სომელიეთა ასოციაციის“ მონაწილეობით. ასევე, ის ღონისძიებები, რომელიც წლების განმავლობაში თბილისობის განუყოფელ ნაწილად იქცა" - განაცხადა დავით ნარმანიამ.    

სიახლე
25 ოქტომბერი 2014  
 
 

მთაწმინდის მიმდებარე დასახლებების თბილისთან დამაკავშირებელი ახალი გზა შინდისიდან კრწანისის მიმართულებით აშენდება. ამ სოფლების დედაქალაქთან შემოერთების შემდეგ, წყნეთიდან, კიკეთიდან, კოჯრიდან, შინდისიდან, წავკისიდან, ტაბახმელიდან და სხვა დასახლებებიდან თბილისისკენ მომავალმა სატრანსპორტო ნაკადმა მაქსიმალურად დატვირთა სოლოლაკის ისედაც ვიწრო და გადამჭიდროვებული ქუჩები. სატრანსპორტო მოძრაობის ნაკადების გაზრდის გამო, სოლოლაკის ქუჩები ზენორმატიულ გადატვირთვებს განიცდის, რაც საფრთხეს უქმნის ისტორიულ განაშენიანებას. ამასთან, პრობლემები შეექმნა მოქალაქეთა კომფორტულ და დროულ გადაადგილებასაც.
მოძრაობის განსატვირთად, საჭირო გახდა ახალი მიმართულების გაჩენა, რომელიც დღეს არსებულ პრობლემებს დღის წესრიგიდან მოხსნის. შესაბამისად, გადაწყდა, რომ შინდისიდან კრწანისის მიმართულებით მოეწყოს ახალი გზა, რაც მოქალაქეთა კომფორტული გადაადგილების შესაძლებლობას შექმნის.
არჩეული მიმართულება - შინდისი-კრწანისი - წარმოადგენს გრუნტის არსებულ გზას, რომლის გაფართოვება-კეთილმოწყობით მოხდება ქალაქის სატრანსპორტო მოძრაობის გადანაწილება. გზა შინდისიდან დაიწყება, გაივლის კრწანისს და შეუერთდება დედაქალაქის ცენტრალურ ქუჩებს.
ამ ეტაპზე თბილისის მერიის კეთილმოწყობისა და არქიტექტურის საქალაქო სამსახურებმა საპროექტო მოსამზადებელ დოკუმენტაციაზე მუშაობა, პრაქტიკულად, დაასრულეს. წინადადება წარედგინება თბილისის საკრებულოს, რის შემდეგაც გზის პროექტირებაზე ტენდერი გამოცხადდება. აღნიშნული გზის მშენებლობა 2015 წელს დაიწყება.

 

 

 

სიახლე
8 ოქტომბერი 2014  
 
 

თბილისის მერმა, დავით ნარმანიამ “თბილისიმარათონში“ მიიღო მონაწილეობა. მარათონი "თბილისობის" დღესასწაულის ფარგლებში გაიმართა. სტარტი სიმბოლურად სპორტისა და ახალგაზრდობის საქმეთა მინისტრმა, ლევან ყიფიანმა აიღო.
"თბილისიმარათონი 2014" რიგით მესამე ნახევარმარათონია, რომელიც საქართველოში ჯანსაღი ცხოვრების წესის დამკვიდრებას ემსახურება და ამავდროულად საქველმოქმედო ხასიათისაა. 
დავით ნარმანიამ პროექტში მონაწილეებს წარმატებები უსურვა და აღნიშნა, რომ მარათონის მიმართ ინტერესი ყოველწლიურად მატულობს, რაც ჯანსაღი ცხოვრების წესის გარდა, კეთილი საქმეების კეთებას უწყობს ხელს. თბილისის მერის განცხადებით, „თბილისიმარათონის“ მონაწილეთა რიცხვი ყოველწლიურად იზრდება და შესაძლოა მომავალ წელს „თბილისიმარათონი“ დედაქალაქის ქუჩებში ჩატარდეს.
„მარათონს არ აქვს მხოლოდ სპორტული დატვირთვა, ის დღეს თბილისობას უკავშირდება. გარდა ამისა, მარათონის ორგანიზებასა და რეგისტრაციასთან დაკავშირებით შემოსული შემოსავლები მოხმარდება უსახლკარო ბავშვთა თავშესაფრის მშენებლობას, რაც განსაკუთრებით მნიშვნელოვანია ჩვენთვის. ერთობლივი ზრუნვით შეგვიძლია მოვაგვაროთ ის პრობლემები ,რაც ჩვენ გვაქვს ქალაქსა და ქვეყანაში“, - განაცხადა დავით ნარმანიამ.

სიახლე
25 ოქტომბერი 2014  
 
 

 დღეს თბილისის მერიასთან ერთიანი ნაციონალური მოძრაობის ლიდერებმა გამართეს შოუ, რომელშიც საკრებულოს წევრი ირაკლი აბესაძეც მონაწილეობდა.
ძალიან სამწუხაროა, რომ საკრებულოს წევრმა ნაციონალური მოძრაობიდან აირჩია სრულიად გაუმართლებელი, პოპულისტური და არასაქმიანი მიდგომა თბილისის მთავრობის სხდომაზე მოსახვედრად. მთავრობის სხდომაზე საკითხების დაყენებას თავისი წესები და პროცედურები აქვს, რაც მას არ გაუვლია.
მიუხედავად ამისა, თბილისის მერი აპირებდა, დღის წესრიგით გათვალისწინებული საკითხების ამოწურვის შემდეგ მიეცა მისთვის შესაძლებლობა, თბილისის მთავრობის წევრებს შეხვედროდა და ესაუბრა იმ საკითხზე, რისთვისაც მერიაში იყო მოსული.
სამწუხაროდ, ბატონი აბესაძე მერიის შენობასთან სხდომის დაწყების წინ 15 წუთით მოვიდა და უკანვე გაბრუნდა. მისი ეს ქმედება კიდევ ერთხელ ადასტურებს, რომ მას რეალურად არა საკითხის დაყენება თუ მისი გადაწყვეტა აინტერესებს, არამედ დგამს შოუს, არ აინტერესებს იმ ე.წ. უკანონოდ გათავისუფლებულთა ბედი და მათით მანიპულირებს.
რაც შეეხება ატესტაციის გადავადებას იმ მიზეზით, რომ გათავისუფლებულთა ძალიან მცირე ნაწილმა სასამართლოს მიმართა და მერია მის გადაწყვეტილებას უნდა დაელოდოს, ნამდვილად ვერ გავიზიარებთ. ატესტაციის ჩატარების ვადებს გვიდგენს კანონმდებლობა და ჩვენ კანონს ვერ და არ დავარღვევთ. ამასთან, როგორც ჩანს, აბესაძემ არ იცის, რომ იმ ადამიანთაგან, ვისაც სასამართლოში სარჩელი აქვს შეტანილი, თუ სასამართლო რომელიმე მათგანზე მიიღებს სამსახურში აღდგენის გადაწყვეტილებას, ჩვენ ამ შემთხვევაშიც მოგვიწევს დავემორჩილოთ კანონს.
რაც შეეხება უსაფუძვლო ბრალდებებს, რომ მერიიდან ან მისი სტრუქტურული ერთეულებიდან თანამშრომელთა გათავისუფლება პოლიტიკური ნიშნით ხდება, კიდევ ერთხელ ვიმეორებთ, რომ არის სიცრუე. იმ მოხელეთაგან, ვინც მერიაში ახალი ხელმძღვანელობის მოსვლამდე მუშაობდა,  95% ჩვეულებრივ აგრძელებს მუშაობას. ამიტომ გათავისუფლების ცალკეული შემთხვევები პოლიტიკურ დისკრიმინაციასთან არანაირ კავშირში არ არის. მათი ნაწილი პირადი განცხადების საფუძველზე, ნაწილი კი ადმინისტრაციული დარღვევების გამო გათავისუფლდა.

 

 

 

 

 

 

სიახლე
8 ოქტომბერი 2014  
 
 

თბილისის მერი, დავით ნარმანია და მერის მოადგილე, ნინა ხატისკაცი ეროვნულ-დემოკრატიული ინსტიტუტის (NDI) წარმომადგენლებს შეხვდნენ. შეხვედრას NDI-ს დირექტორი ლორა თორნტონი და დირექტორის მოვალეობის შემსრულებელი, კრისტინა ვილფორი ესწრებოდნენ.
შეხვედრაზე საუბარი თბილისის მერიასა და NDI-ს შორის სამომავლო თანამშრომლობის პერსპექტივებს შეეხო.
აღინიშნა, რომ მნიშვნელოვანია ის პროგრამა, რომელსაც NDI ადგილობრივი თვითმმართველობის განვითარების ხელშეწყობის მიზნით ექვს ქალაქში, მათ შორის თბილისში ახორციელებს.საუბარი შეეხო გენდერულ საკითხებს და ამ მიმართულებით NDI-ს მხარდაჭერას.
შეხვედრაზე განიხილეს ასევე შესაძლებლობა, თბილისში ჩატარდეს საზოგადოებრივი აზრის გამოკითხვა, რომლის საფუძველზეც გამოიკვეთება საზოგადოების საჭიროებები, ასევე, მათი დამოკიდებულება სერვისების მიწოდებასთან დაკავშირებით. დავით ნარმანიას განცხადებით, მსგავსი სახის კვლევა ხელს შეუწყობს თბილისის მერიას, საზოგადოებრივი საჭიროებებიდან გამომდინარე იმოქმედოს და   სერვისების მიწოდების სისტემა დაიხვეწოს.

 

 

 

 

სიახლე
24 ოქტომბერი 2014  
 
 

თბილისის მერი დავით ნარმანია ირანის ელჩს საქართველოში აბას თალები ფარის შეხვდა.
შეხვედრაზე საუბარი ორი ქვეყნის კულტურულ და ეკონომიკურ ურთიერთობებს შეეხო. ირანის ელჩის განცხადებით, ირანული მხარე  ორი ქვეყნის ურთიერთობის კიდევ უფრო გარღმავებით არის დაინტერესებული. საუბარი შეეხო თეირანისა და თბილისის მერიებსა და თბილისის საკრებულოსა და თეირანის ისლამურ საბჭოს შორის ურთიერთთანამშრომლობის სამომავლო პერსპექტივებს.
ირანის ელჩის განცხადებით, ირანული მხარე დაინტერესებულია ასევე საქართველოში ინვესტიციის განხორციელებით. მისივე თქმით, ირანელი ბიზნესმენები განსაკუთრებულ ინტერესს გამოხატავენ თბილისში ამორტიზებული შენობების რეაბილიტაციის მიმართულებით. აბას თალები ფარიმ დავით ნარმანიას თბილისში ირანული კულტურის ცენტრის აშენების იდეა გააცნო, სადაც ქართველი ირანისტები დასაქმდებიან, რაშიც თბილისის მერმა ელჩს მხარდაჭერა აღუთქვა.
ირანელმა დიპლომატმა დავით ნარმანიას თეირანის მერის მიწვევა გადასცა.
თბილისის მერმა ირანულ მხარესთან თანამშრომლობის მზადყოფნა გამოთქვა და განაცხადა, რომ მზად არის ვიზიტით ჩავიდეს თეირანში და შესაძლოა ეს ვიზიტი საქართველოს პარლამენტის თავმჯდომარესთან ერთად განხორციელდეს.

 

 

 

 

სიახლე
7 ოქტომბერი 2014  
 
 

25 ოქტომბერი 2014 წელი

  • საბურთალოს რაიონი:

11:00-17:00 - საშემოდგომო ბაზრობები - დიდი დიღომი 3 მ/რ /მიცკევიჩის #1
12:00-16:00  - საბავშვო ბაღების აღსაზრდელების ღონისძიება - დიდი დიღომი, 3 მ/რ;
12:00-17:00 - შშმ ბავშვებისა და სოციალურად დაუცველი ოჯახების შვილებისათვის გაიმართება გასართობ-შემეცნებითი ღონისძიებები, სოციალური აქციები - ვ. გოძიაშვილის სახელობის ბაღი;
12:00-17:00 - მხატვრული და ფოტონამუშევრების  გამოფენა.  მოეწყობა ხალხური სიმღერებისა და ქალაქური სიმღერების კონცერტი - ბუკიას ბაღი;

  • ვაკის რაიონი:

11:00-17:00 - საშემოდგომო ბაზრობა  - ვაჟა-ფშაველას ძეგლის მიმდებარედ;
12:00-14:00 - შეჯიბრი ქართულ ჭიდაობაში - დაბა წყნეთი;
13:00-16:00 - წყნეთის ხელოვნების სკოლის მოსწავლეთა ნაკეთობების გამოფენა-კონკურსი და კონცერტი - დაბა წყნეთი;
14:00-17:00 - საბავშვო რაგბის ფესტივალი -ლოკომოტივის სტადიონი; 

  • მთაწმინდის რაიონი:
    რესპუბლიკის მოედანი

 11:00-18:00 - საბავშვო ღონისძიებები, შშმ პირთა ნაკეთობების გამოფენა, ფოტოგამოფენა;
12:00-15:00 - სამხატვრო აკადემია `Happy Kids Club" წარმოადგენს აკადემიის მოსწავლეების მხატვრულ ნამუშევრებს და ორი დღის განმავლობაში " თბილისობაზე" მოსულ სტუმრებს ჩაუტარებს მასტერკლასებს: მხატვრობაში, ძერწვასა და თიხაზე მუშაობაში;
13:00-14:00 - მოზარდმაყურებელთა თეატრის სპექტაკლი "სევილიელი დალაქი"
13:00-14:00 - საუბნო სპორტული შეჯიბრებები და აქტივობები, დასუფთავების ღონისძიებები;
15:00-17:00 - მუსიკალური პროგამა ახალგაზრდა მუსიკოსების მონაწილეობით;
16:00-18:00 – ახალგაზრდა პოეტები და კონცერტი ღია ცის ქვეშ; 

  • კრწანისის რაიონი:
    პუშკინის სკვერი 

12:00-17:00 –XIX საუკუნის თბილისი - კოსტუმირებული სანახაობა ახალგაზრდა მსახიობებთან ერთად, ფოტოსტენდები, ხელნაკეთი ნივთების გამოფენა-გაყიდვა; მხატვრების ნამუშევრების გამოფენა; ფოტოგამოფენა “ერმაკოვის თბილისი”;
13:00-17:00 - კლასიკური მუსიკა – კონკასთან
13:00 – 19:00 - კინოთეატრი ღია ცის ქვეშ – პირველი ქართული კინოფირების ჩვენება; 

  • ისნის რაიონი:
    ავლაბრის სკვერი 

11:00-17:00 - საშემოდგმო ბაზრობა, ხალხური რეწვის, ხელნაკეთობებისა და ყვავილების გამოფენა-გაყიდვა;
12:00-17:00 - ქალაქური ფოლკლორის კონცერტი, სომხური დრამატული თეატრის მსახიობთა კოსტუმირებული მსვლელობა,ღონისძიებები შშმ მქონე ბავშვებისათვის;
13:00-17:00 - სოციალური აქციები,ფრანების შოუ; 

  • სამგორის რაიონი

11:00 –18:00 საკოლმეურნეო ბაზრობა - საქართველოს ერთიანობისთვის მებრძოლთა ქუჩა (ივერიის ღვთისმშობლის ტაძრის მიმდებარე ტერიტორია);
12:00 -13:00 - საბავშვო თოჯინური წარმოდგენები ღია ცის ქვეშ - ვარკეთილი 3, მედიათეკის წინ;
13:00 -18:00 - საბავშვო ბაღების, სკოლის მოსწავლეების, ბავშვთა და მოზარდთა შემოქმედებითი კოლექტივების კონცერტები - ვარკეთილი 3, მედიათეკის წინ; 

  • დიდუბის რაიონი
    მუშთაიდის ბაღი

12:00-17:00 - ფერწერული ნამუშევრების გამოფენა; შეიარაღებული ძალების სასულე ორკესტრის და ხელოვნების სკოლების მოსწავლეთა კონცერტი;13:00-16:00 - სოციალური აქციები შშმ პირებისა და სოციალურად დაუცველი ოჯახებისათვის;

15:00-17:00 - საზეიმო საესტრადო კონცერტი; 

  • ჩუღურეთის რაიონი

08:00-17:00 - ქართული კერძებისა და ღვინის დეგუსტაცია, ხილის ფესტივალი ხეთაგუროვის სკვერის მიმდებარე ტერიტორიაზე;
10:00-17:00 - ფოტო და მხატვრული ნამუშევრების, ხალხური რეწვის ნიმუშების, ხელნაკეთი სუვენირების და ყვავილების გამოფენა-გაყიდვა - მარჯანიშვილის მოედნის მიმდებარედ;
12:00-17:00 –თბილისის მერიის საკონცერტო ორკესტრის `ბიგ-ბენდი~ კონცერტი – `ვარდების ბაღის~ ტერიტორია;
13:00-14:00 - `ბიგ-ბენდი~-ს დარბაზის გახსნა;
13:00-17:00 - შშმ მქონე პირთა ორგანიზაციის "ღვთისშვილთა კავშირის" ახალი პროექტის პრეზენტაცია - მარჯანიშვილის მოედნის მიმდებარედ;
14:30 -15:30 –მე-6 სამუსიკო სკოლის მოსწავლეთა და ქართული ფოლკლორული ანსამბლის კონცერტი - `ვარდების ბაღის~ ამფითეატრი;
15:00 -15:30 - სიმძიმის ცალი ხელით აწევაში გინესის მსოფლიო რეკორდის დამყარებისა და დაჯილდოების  ცერემონია -"ვარდების ბაღი";
15:30-16:00 – საბავშვო ვოკალურ-ქორეოგრაფიულ ანსამბლის `გვირილა~ კონცერტი - `ვარდების ბაღის~ ამფითეატრი;
16:00-16:30 – სერგო ზაქარიაძის სახელობის ტრადიციული და თანამედროვე ხელოვნების კოლეჯის მოსწავლეთა კონცერტი - `ვარდების ბაღის~ ამფითეატრი; 

  • გლდანის რაიონი

12:00-17:00 - ქართული ხალხური და სამეჯლისო ცეკვები, ბაგა-ბაღების აღსაზრდელთა ნამუშევრების გამოფენა - გლდანის პარკი;
12:00-17:00 – საუბნო ბავშვთა შემოქმედებითი კოლექტივების კონცერტი – ავჭალა;
13:00-14:00 - ქართული ჭიდაობის შეჯიბრი, გამარჯვებულების დაჯილდოვების ცერემონია - გლდანის პარკი;
15:00-17:00 - ფოლკორული ანსამბლების ცეკვისა და სიმღერის კონცერტი – მუხიანი; 

  • ნაძალადევის რაიონი
    კიკვიძის ბაღი

11:00- 17:00 – საბავშვო კონცერტები, ახალგაზრდული და სპორტული ღონისძიებები;
12:00 - 18:00 - სოციალური აქციები ;
16:00 – საცირკო სანახაობა; 

 

26 ოქტომბერი 2014 წელი 

  • საბურთალოს რაიონი

11:00-17:00 - საშემოდგომო ბაზრობები – მიცკევიჩის #1/დიდი დიღომი 3 მ/რ;
12:00-17:00  - საბურთალოს რაიონის ტერიტორიაზე მდებარე 17 საჯარო სკოლის მონაწილეობით გაიმართება მხატვრულ-შემოქმედებითი ხასიათის ღონისძიება და კონცერტი - ვ. გოძიაშვილის სახელობის ბაღი;
13:00-14:00 - ეთნიკური უმცირესობით მჭიდროდ დასახლებული უბნის მაცხოვრებლების მონახულება - ჩირთახანის დასახლება; 

  • ვაკის რაიონი

11:00-17:00 - საშემოდგომო ბაზრობა  - ვაჟა-ფშაველას ძეგლის მიმდებარედ;
12:00-17:00 - სხვადასხვა შემეცნებით - გასართობი ღონისძიებები მოზარდთათვის, სპორტული შეჯიბრებები და სხვა - ვაკის პარკი;
13:00-17:00 - სხვადასხვა საელჩოების მიერ ორგანიზებული ღონისძიება, გამოფენები, 100 წელს მიღწეული ადამიანების დაჯილდოება - ვაკის გამგეობის სკვერი;
14:00-17:00 - საბავშვო რაგბის ფესტივალი -ლოკომოტივის სტადიონი; 

  • მთაწმინდის რაიონი
    რესპუბლიკის მოედანი

11:00-18:00 - საბავშვო ღონისძიებები, შშმ პირთა ნაკეთობების გამოფენა, ფოტოგამოფენა;
12:00-15:00 - სამხატვრო აკადემია ` Happy Kids Club" წარმოადგენს აკადემიის მოსწავლეების მხატვრულ ნამუშევრებს და ორი დღის განმავლობაში " თბილისობაზე" მოსულ სტუმრებს ჩაუტარებს მასტერკლასებს: მხატვრობაში, ძერწვასა და თიხაზე მუშაობაში;
13:00-14:00 - მოზარდმაყურებელთა თეატრის სპექტაკლი `სევილიელი დალაქი~;
13:00-14:00 - საუბნო სპორტული შეჯიბრებები და აქტივობები, დასუფთავების ღონისძიებები;
15:00-17:00 - მუსიკალური პროგამა ახალგაზრდა მუსიკოსების მონაწილეობით;
16:00-18:00 – ახალგაზრდა პოეტები და კონცერტი ღია ცის ქვეშ: მუსიკალური ჯგუფი "ურსა" და დავით შანიძე, მუსიკალური ჯგუფი "თსუ არტი" და მარიკო ებრალიძე; 

  • კრწანისის რაიონი
    პუშკინის სკვერიშავთელისქუჩა

12:00-17:00–XIX საუკუნის თბილისი - კოსტუმირებული სანახაობა ახალგაზრდა მსახიობებთან ერთად, ფოტოსტენდები, ხელნაკეთი ნივთების გამოფენა-გაყიდვა; მხატვრების ნამუშევრების გამოფენა; ფოტოგამოფენა “ერმაკოვის თბილისი”
13:00-17:00 - კლასიკური მუსიკა – კონკასთან
13:00 – 19:00 - კინოთეატრი ღია ცის ქვეშ – პირველი ქართული კინოფირების ჩვენება; 

  • ისნის რაიონი

11:00-13:00  - ავლაბრელი მეთევზეების შეჯიბრი მტკვარზე - მტკვრის სანაპირო;
13:00-15:00 - ქართული ჭიდაობის ტურნირი აბსოლუტურ წონით კატეგორიაში "თბილისის ფალავანი" - ისნის მეტროს მიმდებარე ტერიტორია; 

  • სამგორის რაიონი

11:00 –18:00 საკოლმეურნეო ბაზრობა - საქართველოს ერთიანობისთვის მებრძოლთა ქუჩა (ივერიის ღვთისმშობლის ტაძრის მიმდებარე ტერიტორია);
11:00-13:00 - ავტოშოუ - კაიროს ქ. N42;
13:00-15:00  - საჭადრაკო ტურნირი მოზრდილთა და ბავშვებისათვის. პოლიტიკოსებისა და ცნობადი სახეების მილოცვები - ვარკეთილის 3, I მკრ. მედიათეკის მიმდებარე ტერიტორია; 13:00-18:00  - ფოტოგამოფენა "ფოტოგრამმეტრია" - ვარკეთილის 3, I მკრ. მედიათეკის მიმდებარე ტერიტორია;
15:00-18:00 - საესტრადო მუსიკის კონცერტი - ვარკეთილის 3, I მკრ. მედიათეკის მიმდებარე ტერიტორია;  

  • დიდუბის რაიონი

12:00-17:00 - საბავშვო საფეხბურთო ტურნირი - დიღმის მასივი 

  • ჩუღურეთის რაინი 

08:00-17:00 - ქართული კერძებისა და ღვინის დეგუსტაცია, ხილის ფესტივალი ხეთაგუროვის სკვერის მიმდებარე ტერიტორიაზე;
10:00-17:00 - ფოტო და მხატვრული ნამუშევრების, ხალხური რეწვის ნიმუშების, ხელნაკეთი სუვენირების და ყვავილების გამოფენა-გაყიდვა - მარჯანიშვილის მოედნის მიმდებარედ;
13:00-17:00 - შშმ მქონე პირთა ორგანიზაციის "ღვთისშვილთა კავშირის" ახალი პროექტის პრეზენტაცია - მარჯანიშვილის მოედნის მიმდებარედ.

  • გლდანის რაიონი

12:00-13:00 - ქართული საბრძოლო ხელოვნების წარმოდგენა, ხრიდოლი – მუხიანი;
13:00-17:00 - ხელოვნების სკოლების და ბავშვთა შემოქმედებითი ანსამბლების  კონცერტი - მუხიანი;
13:00-17:00 - სასულე ორკესტრის და ფოლკლორული ქორეოგრაფიული ანსამბლების კონცერტი - გლდანის პარკი;
14:00-17:00 - ღონისძიებები – ავჭალა; 

  • ნაძალადევის რაიონი
    კიკვიძის ბაღი

11:00- 17:00 – საბავშვო კონცერტები, ახალგაზრდული და სპორტული ღონისძიებები;
12:00 - 18:00 - სოციალური აქციები;
15:30 – ყველის ფესტივალი;
17:00 –18:00 – ანსამბლი „ლეგენდა“ მედოლე ბავშვების წარმოდგენა, ევროვიზიის გამარჯვებული „ქენდის“ და თემურ ყვითელაშვილის კონცერტი;

 

სიახლე
24 ოქტომბერი 2014  
 
 

თბილისის მერიაში დღეს მოქალაქეთა მორიგი მიღება გაიმართა. თბილისის  მერს, მერის მოადგილეებს, საქალაქო სამსახურის უფროსებსა და რაიონის გამგებლებს სხვადასხვა საკითხებთან დაკავშირებით, 593 თბილისელი შეხვდა. აქედან, რაიონის გამგებლებმა 368 მოქალაქეს, მერიაში კი 225 თბილისელს მოუსმინეს.  თბილისის მერმა დავით ნარმანიამ პირადად 25 მოქალაქე მიიღო.
სულ, 11 აგვისტოდან  6 ოქტომბრის ჩათვლით, თბილისის მერმა, მერის მოადგილეებმა, საქალაქო სამსახურების ხელმძღვანელებმა და რაიონების გამგებლებმა  5 542  ადამიანი მიიღეს. აქედან, დედაქალაქის მერი 265 მოქალაქეს შეხვდა.
თბილისის მერის დავით ნარმანიას ინიციატივით, მოქალაქეთა მიღება ყოველ ორშაბათს 14-დან 18 საათამდე მიმდინარეობს. მიღების წესის თანახმად, თბილისელებს შესაძლებლობა აქვთ, დედაქალაქის მთავრობის წევრებს შეხვდნენ და მათთვის მნიშვნელოვანი პრობლემატური საკითხები პირადად გააცნონ. 

 

 

 

 

სიახლე
6 ოქტომბერი 2014  
 
 

„თბილისობის“ დღესასწაულთან დაკავშირებით, თბილისის მერის დავით ნარმანიას განკარგულებით, 25 და 26 ოქტომბერს,  თბილისის მეტროპოლიტენი და თბილისის „რიყე-ნარიყალას“ საბაგირო გზა ღამის 01.00  საათამდე იმუშავებს. თბილისის „რიყე-ნარიყალას“ საბაგირო გზა 25, 26 და 27 ოქტომბრის 01:00 საათამდე მგზავრებს უფასოდ მოემსახურება.

 

 

სიახლე
24 ოქტომბერი 2014  
 
 

22 ოქტომბერს თბილისს დაძმობილებული ქალაქ ბრისტოლის ლორდ მერი ალისტაირ ვატსონი დელეგაციასთან ერთად  ეწვევა. დელეგაციის შემადგენლობაში არიან ტრანსპორტის, ტურიზმის, გარემოს დაცვის და სხვა სფეროების, ასევე ბიზნეს წრეების წარმომადგენლები.
თბილისში   დაგეგმილი ვიზიტის დეტალებზე დღეს  თბილისის მერმა დავით ნარმანიამ და საქართველოში დიდი ბრიტანეთისა და ჩრდილოეთ ირლანდიის გაერთიანებული სამეფოს  საგანგებო და სრულუფლებიანმა ელჩმა ალექსანდრა მერი ჰოლ ჰოლმა ისაუბრეს.
დიდი ბრიტანეთის ელჩის თქმით,  თბილისის მერთან შეხვედრაზე  მხარეები განიხილავენ ეკონომიკისა და ბიზნეს სექტორში, ასევე  გარემოს დაცვისა და ნარჩენების მართვის საკითხებში თანამშრომლობის შესაძლებლობებს.  დაგეგმილია შეხვედრები თბილისის განვითარების ფონდის, ქალაქის არქიტექტურის, ტრანსპორტის და სხვა სამსახურების ხელმძღვანელებთან, ბიზნეს წრეებთან.
„აღსანიშნავია, რომ ქალაქი ბრისტოლი 2015 წლის ევროპის მწვანე დედაქალაქად გამოცხადდა. შეხვედრაზე განსახილველ საკითხთა შორისაა ქალაქის დაგეგმარების, ტრანსპორტისა და ინფრასტრუქტურის საკითხები. ქალაქ ბრისტოლის ამჟამინდელი მერი  პროფესიით არქიტექტორია და როგორც ჩემთვის ცნობილია, თბილისის მერი ქალაქის დაგეგმარების საკითხით განსაკუთრებულად არის დაინტერესებული“ - განაცხადა ელჩმა.  მისივე თქმით, ბრისტონის დელეგაციის ვიზიტი კარგი შესაძლებლობაა იმისა, რომ ბრიტანეთის საელჩო გამოეხმაუროს დიპლომატიურ კორპუსთან და დონორ ორგანიზაციებთან 2 ოქტომბერს გამართულ შეხვედრას.
თბილისის მერის დავით ნარმანიას თქმით, ბრისტოლის მერის  ვიზიტი ორ დაძმობილებულ ქალაქს შორის ურთიერთობის კიდევ უფრო გაღრმავების დასტურია. „ბრისტოლის დელეგაცია ჩვენ გაგვაცნობს გამოცდილებას ქალაქდაგეგმარების, გამწვანების და რეკრეაციული ზონების განვითარების თვალსაზრისით, ასევე იქნება საუბარი შშმ პირებისთვის საჯარო სივრცეების ადაპტაციის საკითხებზე. გასულ წელს ბრისტოლმა ევროპის მწვანე ქალაქის სტატუსი მიიღო. ჩვენთვის საინტერესოა ამ კუთხით მათი  გამოცდილების გაზიარება როგორც თეორული, ისე  პრაქტიკული კუთხით,“ - განაცხადა დავით ნარმანიამ.
თბილისის მერმა  ბრისტოლის ლორდ მერი და დელეგაცია თბილისობის ღონისძიებებზე მიიწვია.
ბრისტოლი თბილისთან დაძმობილებული ქალაქია 1988 წლიდან.

 

 

სიახლე
3 ოქტომბერი 2014  
 
იხილეთ მეტი